影片
更多
2024-10-11
240 瀏覽
11/10/2024 我用咗大約25分鐘食咗個下午茶15:05入店QR code order 個下午茶(主菜)小籠包4隻 + (小食)紅油抄手2隻 + drinkOrder完，有個女店員係我附近，我就同佢表示想要杯水，佢伸手表示收到，仲準備入去拎比我。點知突然之間有個熟客入咗嚟，之後佢就走咗去帶個熟客位，咁我諗住佢帶會客先拎比我係冇問題嘅。但係個客坐低左之後，佢就冇咗件事咁，行返去cashier開定d QR code熱感紙放係吉枱… 之後係度遊遊閑(冇新客入)…*order水之前其實同個女店員仲有啲對話係關於詢問食品嘅份量，我問小食麻醬粉皮有幾大份，佢話好細份㗎咋，得幾條仔，送比你試食下㗎咋。15:12 小食到我想飲杯水先開始食野，咁我見個女店員好似好忙咁，我就舉手叫咗個最近我嘅男店員過嚟，叫佢比杯水我。個男店員好快就跟進咗，仲同時間拎埋水比另一枱。*2隻迷你紅油抄手味道一般15:25 主菜到食第一隻（4隻小籠包圖中右上果隻），熱辣辣好多湯，只係d肉嚡熠熠。之後食第二粒，冇湯汁… 仔細睇返，原來除咗第一粒之外，其他都一早穿晒窿… D肉嚡，有汁都還可以。。。冇汁真係唔好食…食到第三粒，真
15:05入店QR code order 個下午茶
(主菜)小籠包4隻 + (小食)紅油抄手2隻 + drink
Order完，有個女店員係我附近，我就同佢表示想要杯水，佢伸手表示收到，仲準備入去拎比我。點知突然之間有個熟客入咗嚟，之後佢就走咗去帶個熟客位，咁我諗住佢帶會客先拎比我係冇問題嘅。但係個客坐低左之後，佢就冇咗件事咁，行返去cashier開定d QR code熱感紙放係吉枱… 之後係度遊遊閑(冇新客入)…
*order水之前其實同個女店員仲有啲對話係關於詢問食品嘅份量，我問小食麻醬粉皮有幾大份，佢話好細份㗎咋，得幾條仔，送比你試食下㗎咋。
15:12 小食到
我想飲杯水先開始食野，咁我見個女店員好似好忙咁，我就舉手叫咗個最近我嘅男店員過嚟，叫佢比杯水我。個男店員好快就跟進咗，仲同時間拎埋水比另一枱。
*2隻迷你紅油抄手味道一般
15:25 主菜到
食第一隻（4隻小籠包圖中右上果隻），熱辣辣好多湯，只係d肉嚡熠熠。之後食第二粒，冇湯汁… 仔細睇返，原來除咗第一粒之外，其他都一早穿晒窿…
D肉嚡，有汁都還可以。。。冇汁真係唔好食…
食到第三粒，真係越食越不滿，咁啱個女店員又喺我隔籬，我就同佢反映返呢件事，跟住佢哦完就走咗去… 我唔係想要求佢俾嗰份我，但係你是但同我講句話會同返廚房反映都好丫，起碼令我感覺良好返啲囉。。。
15:29 埋單
我見到個女店員喺遠處見到我想埋單(我已經企咗喺收銀枱前面)，然後佢拍一拍男店員隻手叫佢過嚟同我埋單，擺到明係想逃避我啦。
BTW，個男店員工作態度係好好的。
張貼
