港東港西 (已結業)

放工返屋企想快快地食個晚飯，但八點幾周圍都要等位，見到依間野新開張，送熱飲，又大把空位，就入去試一試。格局幾似大家樂，中西日式野咩都有，但全部都係例牌野，無咩特色野特別吸引。如果無新張優惠，單叫一個飯麵要五六十蚊，價錢唔算抵，但勝在有送餐。平身見到宣傳品有烏冬食就問下姐姐拉麵有無得轉烏冬，但原來要下午茶先有，姐姐仲好落力推介話烏冬真係好正。卒之叫左個黑柳炒意粉，同想像中既乾炒有d唔同，勁多黑椒汁，多到有d辣，唔係好頂得順，要出去自助吧斟水解解辣，無奈地得熱水斟。以新開張鋪頭黎講，人客都真係算少，侍應都行行企企無咩野做，希望食物水準會進步，生意越做越好啦！