廉記冰室 (春園街) (已結業)

第一次有間餐廳 有員工係咁無禮貌 入到去第一層無位 所以叫左我地上一層坐 入面得4張枱 之後叫野食啦 我地叫左個沙爹牛肉麵同菠蘿油 男朋友叫左凍奶茶 之後我話我個杯等陣先叫 個女侍應就話宜家叫埋啦 然後企係到迫我叫埋 我都講左等陣先 未唸到飲咩 佢走左之後 我就叫另一個人攞drink menu俾我望下 然後個個女侍應入返黎 我就話要柑桔蜜 佢啤左我一下 完全無應我 咁之後其他野到哂差我個杯 到個時條女就俾說話我聽話”又要行多次” 我無理佢 點知杯野甜到不得了 我就話想要杯熱水(係其他人幫我) 重點黎啦！ 佢係留下勁大聲話 “係咪又係佢！ 係咪佢！ 都話左又係果條友咖啦 “(係超唔滿意態度) 大聲到留上都聽到 好明顯係俾我聽 佢啲沙爹牛肉麵完全唔好食 菠蘿油係凍嘅 牛油完全冇溶….. 我係唔會再幫襯呢啲態度咁差既餐廳…. 超失望 本身見到佢門口排隊好多人所以先試下