吉列牛忌廉烏冬專門店 (百樂中心) (已結業)

工作路過銅鑼灣食lunch，諗住上open rice 專登搵間好餐廳，咁嘅得分，諗住唔錯，點知大失所望。過左最peak 嘅lunch time，摸到上門得2枱客，裝修無保養，日光日白厄唔到人。都唔緊要，心諗啲野可能好好食，打算比個機會open rice評分。Order 左吉列牛定食 （$148+10%），5分鐘極快上菜，個心都涼左一半🙄塊吉列牛，吉列無吉列（唔脆，明顯已炸定）；無牛味，但都無雪味；味噌湯，偏淡，但可接受；伴菜有芝麻醬豆腐+芝麻醬蕃茄+芝麻醬椰菜。唯二可讚係白飯幾大碗（仲加左飯素），同埋配牛有3小碟醬汁：wasabi mayonnaise, 淡豉油（好似係，因為真係好淡）, 黑松露醬…只能講，唔難食，但食物、餐廳都「唔精神」，愈食愈頹，$160一定有更多更好選擇（樓下轉角pici 都同樣$160/lunch set），平貴都大把選擇。