酩鬼居酒屋

營業中

休息中

今日慶祝母親節，所以滿心歡喜帶佢去食日本菜。上網睇評語話呢間不錯，所以就帶左佢黎。我地叫左刺身A餐同串燒B餐,基本上呢兩樣食落去不過不失。但刺身A係有時令鮮魚，咁就問我地想要爽口定油份重。我地簡左油份重，但實際條魚真係一啲都唔油份重，感覺偏爽口，硬身😂😂😂 其他刺身都新鮮，串燒就都好食然後重點就黎啦，因為呢兩個餐唔夠飽。我地就叫左海膽炒飯，但個海膽係好臭好腥。有幾舊根本食唔到落口，同職員反應，佢同我講呢個炒飯我無推介架啵。聽到呢句，我真係反問佢，作為一間餐廳唔係應該咩都要係好食，拎得上餐枱？最後佢再拎番個板海膽比我地試，試完我都係覺個海膽好難食。如果你地黎食，真係極度唔推薦，去食爭鮮既海膽仲好。