Hygge (已結業)

今晚買左飛同男友睇9點半, 睇戲前就梗系要醫肚啦。荃灣大霸街多野食就系人都知, 我地一路搵一路行, 差不多行到近車房地帶, 見到有一大個招牌好吸引, 原來系食西餐的, 岩晒我口味!入到去坐低, 地方算闊落, 有少少酒吧FEEL。黑板上寫左每日唔同既特別推介南瓜湯, 味道非常濃郁, 點麵包食一流吞拿魚他他, 新鮮既紅菜頭切左粒粒, 再撈上蛋黃醬, 一個字, 正!!我既主菜就點左蟹肉咸蛋黃南瓜汁意大利飯, 最近我系咸蛋黃迷, 什麼咸蛋炸雞,咸蛋魚皮都食一餐。呢個意大利飯一粒粒好飽滿, 咸蛋黃跟南瓜汁又出奇地夾,好好味。男友點左佢既至愛, 天多利烤羊架, 一上檯已經聞到好香好香, 配上綠色概醬汁,原來系MINT YOGURT。我唔鍾意食羊, 都被呢陣香味吸引忍唔住食左一件, 真系十分之好味, 呢個堅系真心推介。最後點左個伯爵茶意式奶凍做甜品, 每款甜品都會跟一個氫氣球, 汽球系用檸檬味糖黎做的。職員會叫你先食左個汽球同埋吸啖氫氣, 跟住講野會變左MINION聲, 好攪笑。每一檯都試玩呢個氫氣球, 成間餐廳都充滿歡樂笑聲。