影片
更多
2025-01-12
176 瀏覽
❰泓一拉麵❱ 地雞🐓鹽味拉麵🍜📍太子汝州街21號英來大廈地下E號舖泓一呢間店咁大名氣，想必都唔駛我多介紹。想講嘅係，响d拉麵關注組，好多網友都會用紅磡店同太子店比較，而似乎紅磡店係比較受追捧多d。雖然我冇特別去research兩間店嘅背景，不過只要比較一下兩間店嘅menu，佢地做嘅拉麵風格都幾唔同，除左店名同logo一樣之外，口味，擺盤，碗個樣，通通唔一樣。紅磡店主打似係雞白湯，而太子店主打似係煮干湯。呢間太子店嘅煮干湯拉麵，我已經試過晒，做得幾好。今次試嘅係地雞🐓鹽味拉麵🍜。香味 (1/5)香味比較久奉，我開初會預期濃濃嘅雞湯味，係冇乜。湯 (2/5)如果以雞鹽湯來講，我認為係唔合格。雞湯味近乎係食唔出，反而個湯有濃濃嘅魚乾味，而食到底，發現佢有加到似係d細細粒又整散左嘅元貝乾，我理解係，呢個湯底食來食去都係似海鮮系嘅風味，我當佢有加雞去煲，雞嘅存在感實在太薄弱。之所以我認為煮干湯係做得好，可能因為個湯底嘅關係。麵條 (4/5)同上煮干拉麵一樣，都係用左加水率 38% 嘅高加水麵，啜麵時非常滑順，口感好好，不過我認為配醬油湯比配鹽湯更為合適。配料 (3.5/5)豬叉燒方面，肉味都係更
📍太子汝州街21號英來大廈地下E號舖
泓一呢間店咁大名氣，想必都唔駛我多介紹。想講嘅係，响d拉麵關注組，好多網友都會用紅磡店同太子店比較，而似乎紅磡店係比較受追捧多d。
雖然我冇特別去research兩間店嘅背景，不過只要比較一下兩間店嘅menu，佢地做嘅拉麵風格都幾唔同，除左店名同logo一樣之外，口味，擺盤，碗個樣，通通唔一樣。紅磡店主打似係雞白湯，而太子店主打似係煮干湯。
呢間太子店嘅煮干湯拉麵，我已經試過晒，做得幾好。今次試嘅係地雞🐓鹽味拉麵🍜。
地雞🐓鹽味拉麵🍜
$108
0 瀏覽
1 讚好
0 留言
香味 (1/5)
香味比較久奉，我開初會預期濃濃嘅雞湯味，係冇乜。
湯 (2/5)
如果以雞鹽湯來講，我認為係唔合格。雞湯味近乎係食唔出，反而個湯有濃濃嘅魚乾味，而食到底，發現佢有加到似係d細細粒又整散左嘅元貝乾，我理解係，呢個湯底食來食去都係似海鮮系嘅風味，我當佢有加雞去煲，雞嘅存在感實在太薄弱。之所以我認為煮干湯係做得好，可能因為個湯底嘅關係。
麵條 (4/5)
同上煮干拉麵一樣，都係用左加水率 38% 嘅高加水麵，啜麵時非常滑順，口感好好，不過我認為配醬油湯比配鹽湯更為合適。
配料 (3.5/5)
豬叉燒方面，肉味都係更濃，又相當大塊，我認為好正。
雞叉燒方面，雞胸肉，未至於非常嫩口但還都軟身。肉味同上次一樣，都係麻麻地，食得出黑胡椒嘅味道相當重。
溏心蛋方面，我特別想講一點，佢既唔係熟，又唔係流心，個蛋黃係膏狀，好唔好我諗見仁見智，我覺得幾特別嘅。蛋嘅調味就正正常常。
筍同白蔥就正常發渾。
順帶一提，佢有放一塊唔知係咪紫蘇葉嘅葉响碗麵上面，我係咁二咬左兩吓就立馬𠼱鬼左。好似黑白大廚安成宰主廚話齋，如果未能為整體味道作出貢獻，只為好睇，就建議唔好加。
整體 - 不推薦。如果你去太子泓一店，強烈建議你試返煮干系拉麵，感覺會對味好多。
張貼
