爆丼屋 (已搬遷) 新店位置

收工後又一個人行咗去megabox食晚飯，見到新開左間日本餐廳決定做隻白🐁試試佢😂我叫左我熱愛既鰻魚丼睇下佢有幾爆😎一見到個飯果然無令我失望！超多鰻魚一個圈咁舖左係面頭，加埋中間隻流心蛋勁靚勁吸引😍 (佢仲可以俾食客揀另上或者轉玉子蛋，好貼心👍)鰻魚質感比起我平時係香港食到既彈牙😯肉質肥美，有啲啲細骨，幾似我以前係東京鰻魚專門店食到既味道，果然係一分錢一分貨👍👍呢度既鰻魚丼無乜鰻魚汁，我諗就係因為用料靚，所以想食客食返鰻魚真正既味道同口感😁食到一半我突然發現檯面有樽細細既日本拌飯素，加落啲飯度脆脆地又香香地，超好送飯😂😋跟餐嘅麵豉湯都唔hea，有白蘿蔔，海帶，豆卜等等， 味道鮮得黎唔會太鹹👍下次男友放假果陣可以叫佢黎接我收工順便帶佢過黎試下啲爆料刺身丼🤣