敏華冰廳 (圍方)

營業中

休息中

今日去左圍方，打算去朝聖睇下圍方，睇完都開開心心既，晚餐就選擇左敏華啦。本身都諗住敏華係連鎖店，唔會話好好，但相信都唔會太差。但點知我錯了…首先，食飯既時間又唔係繁忙，亦唔係臨收工時間，但我叫左牛扒飯，而個飯等左好耐都未黎，都算啦等下姐。不過d職員就好奇怪嗑，首先落單果陣我點左餐，之後因為無意粉，個職員問轉唔轉飯，之後隔左好耐，又有職員黎問同樣問題。咁即係中間問完一次，冇煮到我個餐？再隔一陣我個Order浮返出黎又問？之後，仲有個常餐，食完面好耐啦，個麵包同蛋都未上，仲要問幾次先有。所以如果真係搞夜市，食店真係要注意呢啲問題。