852居酒屋

營業中

休息中

同事介紹我去一間新開嘅居酒屋，佢話之前食過lunch 唔錯叫我去試吓晚飯，咁我就膽粗粗同幾個朋友去試試。去到現場氣氛唔錯，好似日本居酒屋既感覺，同埋可能咁岩坐後面兩枱都有飲酒，所以大家情緒都好高漲好開心😂坐低我哋食物點了枝豆，味道正常發揮。原隻海膽好鮮甜，入面仲有吞拿魚蓉同三文魚子，價錢大概$128 左右的確物有所值，不過聽staff講唔係日日有貨返。漬物盛擺盤精緻，不過我對漬物麻麻，我朋友話好鐘意食好好食，而咁多款漬物中我淨係會食牛蒡😆串燒方面我哋叫左明太子淮山，粟米，提燈，翠肉瓜，生菜豬肉卷，每一樣味道都唔錯。不過印象最深刻係提燈，因為我係第一次食。螢光魷魚都非常出色，完全唔腥！秋刀魚刺身好新鮮，價錢方面都好合理。雜錦天婦羅份量好足夠，炸粉唔厚，美味可口。我最欣賞係燒日式茄子，師傅燒得非常到位，味道鹹甜適中，超級好味。