The Grill Room (The L. Square) (已搬遷) 新店位置

呢間餐廳係openrice有成過千個好評，咁我就打算星期六過去試下。食完就發現果然好評多係有理由既！呢間餐廳係L square 5樓，係入户式電梯，一出電梯門就入到間餐廳㗎啦！餐廳環境舒適，梳化位仲有cushion俾客人挨住。食物方面，我嗌左一個set lunch，係七成熟既西冷配薯條，包埋個餐湯同飲品，仲另外加左28蚊叫左個是日甜品，今日既甜品係tiramisu個餐湯我個人就覺得麻麻地，覺得可以咸多少少，但唔算難飲。牛扒有陣炭燒嘅香味，入口軟嫩，熟度照足要求，非常好。薯條應該係即炸，非常之脆。tiramisu甜味適中，口感輕盈，一啲都唔膩。最後講一下呢間餐廳嘅貼心服務。見到我用手機睇緊片，個侍應即刻攞左個手機支架俾我，可見佢地非常留意客人需求。