海底撈火鍋 (海之戀商場)

營業中

休息中

好耐冇同班friend食飯，今次第一次黎海底撈度食，期間服務人員不斷出巡，為生日嘅朋友播生日歌同發放小禮物，當然包括我哋呢一枱，只要你唔尷尬，尷尬嘅就係人哋。叫咗麻辣鍋同蕃茄鍋，麻辣鍋越煲越辣，啱曬鍾意食辣嘅人。番茄鍋清清地帶有酸味，夠曬開胃。呢度食到平時食唔到嘅火鍋食材，毛肚、黃喉、鴨血等等我都好少食，味道口感不俗，鴨血最為出色。另外仲有各個種肉類、丸類同魚片類，任君選擇。仲有熟食嘅小食可以叫，首推脆皮奶卷。飲品叫咗水果綠茶，飲落口果糖味都唔錯，茶都唔會太澀，當然有其他汽水同酒類可以選擇。