HeSheEat (白布街) (已結業)

主菜甜品超水準😍極高質西餐🍽趁週年優惠把握機會💪🏻星期一晚五點半，我地兩個特意趁HeSheEat推廣週年優惠黎吃晚餐。只要星期一至四夜晚六點前落單，英文名有齊S、H、E 就送指定主菜，唔齊都有指定飲品送。去到唔使等位，我地上二樓坐。基本上所有食物都高水準，但原價實在太貴啦！份量屬合理偏少，所以平時唔會黎，最多淨係吃甜品。趁週年優惠先抵吃，叫左 兩碟主菜、甜品、飲品 除開每人只要 $95！✏️我們的食單✅春雞黑松露義大利飯 $128✅黑松露大蘑菇蘆筍義大利飯 $118（免費）✅綠茶心太軟 $62✅士多啤梨玫瑰茶 $45（免費）✅春雞黑松露義大利飯 $128：好味到不得了！春雞又滑又香，咬入去仲有汁。飯既黑松露夠多，味道香濃，更加入細菇片。水份控制剛剛好，質感滿意。賣相相當不錯。✅黑松露大蘑菇蘆筍義大利飯 $118（免費）：飯入面有細同大蘑菇片、洋蔥，面頭有芝士片同蘆筍。蘆薈煮得恰當，唔會太老，但比較細幼。飯既味道偏濃，水份控制剛好。由於唔多餸，所以如果唔係免費都唔會點呢個飯，但的確高質。✅綠茶心太軟 $62：綠茶味十足，甚至有小小苦，個人非常喜歡。配有餅乾碎將整個甜品昇華，多重口感無得頂。