El Cerdo (大壩街) (已結業)

第一次食西班牙菜🍽，所以唔知係咪算正宗😂，只可以講每道菜既特色。二人Set Dinner有兩款，分別既係貴啲果款菜色唔同，同埋main course 可以4揀2😎。前菜有沙律🥗同湯揀，沙律菜夠新鮮，同埋個dressing好好味，酸酸地好開胃😋，份量恰到好處，唔會搞到啲菜太濕。頭盤當然唔少得西班牙風乾火腿🍖，火腿咸香味濃，𡁻落好香，又唔會好咸。另外仲有粟米蓉帶子配豬腩片🐽，火腿露筍配流心蛋🍳。主菜我地揀左西班牙炒飯同埋牛扒🥩，炒飯好足料，有青口，蝦🦐，魷魚🦑，口味偏重，可能呢啲就係西班牙特色。牛扒要5成熟，煎得剛剛好👍🏻，外脆肉汁豐富。最後甜品有兩款，特別一讚，openrice訂位時註明週年紀念，店員喺迷你巴斯克芝士蛋糕木板寫上“Happy Anniversary ”😍。整餐飯性價比高，食物質素好好👍🏻，店員服務都好好，值得推介俾大家💯。