龍閣極上火鍋料理 (已結業)

今早大姨媽同表姐一家話好耐都無同我們一齊飲下午茶，所以我們約咗去旺角嘅「龍閣極上火鍋料理」飲下午茶！我們叫咗黑松露蘑菇包嘅造型賣相好似一隻真嘅菇咁，撕開一半見到入面嘅餡料係切碎咗嘅菇粒，食落感覺都幾清香！龍閣皇牌拼盤：紫薯煎堆仔、五香芋絲春卷、金獅脆蛋散、脆炸芹香野菌腐皮卷，當中最好味嘅係紫薯煎堆仔，因外層炸得好金黃香脆，入面嘅紫薯餡料好香甜軟滑！鹵水掌翼嘅色澤好似比較淡色，但鹵得都幾入味，質感都幾爽滑！皇蒜香鳳爪燜得好腍好入味，味道唔會好鹹！翡翠鮮蝦腸嘅腸粉質感好煙韌軟滑，蝦肉好爽甜彈牙！煎釀尖椒煎得非常香口，彈牙嘅魚肉夾埋香辣嘅尖椒一齊食，真係好正呀！懷舊臘腸卷嘅臘腸味道相當甘香，包質亦好軟熟！孖寶：豉油皇炒麵炒得好乾身！海鮮湯泡飯嘅材料都幾豐富，湯底嘅味道都幾清甜！午市燒味孖寶：馳名豉油鷄半隻嘅肉質好鬆軟嫩滑，而且好入味，上湯米線一窩嘅麵質好軟滑彈牙！