金滿都越南餐廳 (已結業)

今日星期日瞓晏啲， 起身想休休閑閑咁樣食個午餐， 但又唔想飲茶 ，於是同太太揸車去現崇山商場搵嘢食，見到有一間越南菜金滿都，外面睇餐牌幾十蚊就有一個餐，包飲品，相當實惠。坐低之後 我叫咗碗燒牛肉湯檬加凍檸水， 而我太太就叫咗一碗扎肉湯檬加熱奶茶，5至10分鐘到呢，就有得食，我同太太最鍾意呢隻交換餸食，燒牛肉湯檬嘅感覺清清地 檸檬粉又夠爽滑，味道唔錯。太太食嘅扎湯檬呢都有相同嘅感覺，這個清清地嘅午餐平平哋都係一個非常做嘅選擇。而我最欣賞㗎啦，就係呢一度呢個空間感，唔需要係好似喺附近嘅餐廳咁坐得擠迫 ，呢度坐得舒舒服服 服務都唔錯，兩個人坐低食一個午餐埋單只不過係一百蚊有找，亦都係一個性價比相當高值得推介嘅餐廳，交通方面呢搭地鐵都好方便，地鐵站行過嚟都係五分鐘到 而我就揸車，喺呢度拍車呢，亦都 方便 消費滿 滿200蚊就可以有免費泊車一小時相當唔錯， 對我呢啲好慳儉 但又有要求嘅人來說，非常適合。