Gontran Cherrier (Restaurant) (已結業)

週日行尖沙SOGO，行完7點半，過K11晚餐，問咗保安話Food court係地下一層多嘢食，一路行見到呢間西餐，隔離同名麵包鋪頭🍞排長龍，好彩餐廳好多位，叫咗兩個套餐，加多個主菜。套餐餐湯係洋蔥湯，夠熱，夠味，入面浸咗片芝士麵包好好味，大大加分，Burger都好食，竹炭包好鬆軟，牛肉夠嫩，夠Juice，豬肉腸通粉湯汁好夠味，肉腸少少辣，美中不足有些overcook，少少硬，南瓜意大利飯🇮🇹絕對係驚喜，芝士比例相當出眾，加上新鮮烤炙的羽衣甘藍，口感非常好，😋😋😋，意猶未盡，連平時時西餐尤其是芝士冇咩也興趣老公都讚不絕口！總體來講，很美味嘅晚餐！