影片
更多
2023-10-19
22 瀏覽
週末黎九龍城，除左選擇泰菜外，其實仲有唔少Cafe選擇 Relax一下。今次就揀左以澳州原始風格裝潢的Gladys’ Estate Coffee。入左去後，見到個環境都幾舒適，如果想同店主傾計，可以選擇Bar 枱，如果唔係都可以揀其他座位。<Ice Long Black & Chai Latte>首先當然講咖啡先，見到有自家咖啡豆賣，同埋見到咖啡師比賽的證書，所以都幾期待。問番店主，佢地會係唔同日子或根據咖啡豆質素而決定當天的選擇，例如係假日就相對上揀Fruity、比較甜的口味。我揀左Ice Long Black，今日店主就揀左 Ethiopia Arabica 咖啡豆，飲落去味道層次都幾豐富，味道甘甜易入口，上層的Crema都幾厚，餘韻亦長。另外朋友選擇了Chai Latte，早期係印度皇室貴族的飲品，充滿香料及藥草的味道。至於食物方面，今次就揀左呢度特色的 <Gladys’ Day Breakfast> 同埋 <Prawn Tomyum Linguine><Gladys’ Day Breakfast>呢度其中一個特色係
週末黎九龍城，除左選擇泰菜外，其實仲有唔少Cafe選擇 Relax一下。今次就揀左以澳州原始風格裝潢的Gladys’ Estate Coffee。
入左去後，見到個環境都幾舒適，如果想同店主傾計，可以選擇Bar 枱，如果唔係都可以揀其他座位。
<Ice Long Black & Chai Latte>
首先當然講咖啡先，見到有自家咖啡豆賣，同埋見到咖啡師比賽的證書，所以都幾期待。問番店主，佢地會係唔同日子或根據咖啡豆質素而決定當天的選擇，例如係假日就相對上揀Fruity、比較甜的口味。我揀左Ice Long Black，今日店主就揀左 Ethiopia Arabica 咖啡豆，飲落去味道層次都幾豐富，味道甘甜易入口，上層的Crema都幾厚，餘韻亦長。另外朋友選擇了Chai Latte，早期係印度皇室貴族的飲品，充滿香料及藥草的味道。
至於食物方面，今次就揀左呢度特色的 <Gladys’ Day Breakfast> 同埋 <Prawn Tomyum Linguine>
<Gladys’ Day Breakfast>
呢度其中一個特色係差唔多100%都係黎自外國食材，所以 All Day Breakfast 每款食材都係用最好的原產地，例如雞蛋會使用日本蛋、香腸會用慕尼黑香腸。將日本蛋汁篤穿後滲入外脆內軟的酸種麵包上非常滿足。而牛油果配榖麥脆脆都夠特別。其餘食材仲有火腿、雜菜沙律、焗豆等。
<Prawn Tomyum Linguine>
上枱後即時感受到泰式風味，黑虎蝦總共有6隻夠足料，已經煎到金黃色，夠晒香口。而冬蔭的醬汁唔會搶晒整個意粉的味道，亦唔會煮到水汪汪，整體質素唔錯！
Gladys’ Estate Coffee 雖然唔係裝潢華麗的打咭Cafe，但其澳式原始樸實的風格反而更加舒適，加上店主親民的招待，就算只係飲杯咖啡都無所謂，難怪周不時會見到熟客入黎幫襯。
張貼
