影片
更多
2016-10-30
1553 瀏覽
今日行街行到攰，行到美麗華商場最底層見HABITU table無算太多人就入咗去食。其實之前行經過幾次，不過一係太多人，一係出面有活動太嘈而放棄咗。今次叫咗1)羽衣甘藍凱薩沙律(2)蕃茄忌廉肉腸寬麵(3)黑松露雜菌薄餅(4)凍玫瑰咖啡(5)凍烏龍茶咖啡首先送到嘅係黑松露雜菌薄餅。一擺低就聞到好香嘅黑松露味，好吸引。餐廳已預早切好薄餅，方便顧客進食。薄餅係薄底，所以會有薄脆嘅口感，但又唔會食餅底食到飽。拉開薄餅時有輕微芝士拉絲嘅感覺，加埋黑松露同雜菌，超滿意。（如果再熱啲更加好）羽衣甘藍凱薩沙律，生菜有鮮甜味，羽衣甘藍都有7至8朵(?)，不過啲乾煙肉就太硬。蕃茄忌廉肉腸寬麵送到嚟嘅時候感覺上好細碟，但原來都好夠食。蕃茄忌廉汁嘅味道好香濃，但蕃茄酸味多少少會好啲，因為酸味多啲會無咁"漏"。肉腸有好多，切到小圓柱體嘅形狀，如果係斜切會更好。凍玫瑰咖啡同凍烏龍茶咖啡，有買一送一(信用卡優惠)，飲第一啖玫瑰咖啡唔記得攪一攪，勁甜;反而烏龍茶咖啡可以按自己需要而落糖漿，不過唔夠烏龍茶味。今次叫咗三款食品，份量約夠2至3人食。P.S Mr.J轉咗新office，工作繁忙咗好多，週末食好東西慰勞下自
今次叫咗:
(1)羽衣甘藍凱薩沙律
(2)蕃茄忌廉肉腸寬麵
(3)黑松露雜菌薄餅
(4)凍玫瑰咖啡
(5)凍烏龍茶咖啡
黑松露雜菌薄餅
28 瀏覽
0 讚好
0 留言
羽衣甘藍凱薩沙律
31 瀏覽
0 讚好
0 留言
蕃茄忌廉肉腸寬麵
28 瀏覽
0 讚好
0 留言
24 瀏覽
0 讚好
0 留言
今次叫咗三款食品，份量約夠2至3人食。
P.S Mr.J轉咗新office，工作繁忙咗好多，週末食好東西慰勞下自己啦。
張貼
