GOCHISO (已結業)

一家三口星期六嚟到新城市廣場，一期地下都有好多食肆，這間吃意大利菜嘅感覺唔錯，週末都有午膳套餐，選擇不少，有意粉、飯及薄餅。加$15可以有沙律及飲品，雜菜沙律好新鮮，仲有一些紅腰豆及鷹嘴豆。另外可加$15要咗個法式芝士洋蔥湯，洋蔥炒得好香，件法包索滿洋葱味道，個湯有大量洋蔥，衷心覺得堅好飲。飲品揀咗水果茶及蘋果汁，水果茶加咗鮮橙及奇異果，味道好清新；蘋果汁稍為細杯。温泉蛋蒜香黑松露蘑菇鮮製意粉，溫泉蛋嘅感覺好溫暖啊！黑松露醬真係好香，蘑菇份量都唔少，呢個意粉彈牙爽口，橄欖油炒蒜蓉炒得好香。溫泉蛋煙肉芝士卡邦尼意粉，食嘅時候把溫泉蛋攪勻，好滋味，廚師落咗大量忌廉汁，又香又濃，加埋煙肉就變成完美的組合。芝士鮮蠔配日本產帶子燴飯(意大利飯)， 醬汁煮飯軟硬度啱啱好，感覺唔會太膩，仲有煎得好香嘅蠔及帶子，大家搶住食。