Odelice! (The ONE)

營業中

休息中

呢日同大少、小妹去尖沙咀睇完多啦A夢展覽，行陣街，就嚟咗The One呢間餐廳食嘢！呢度裝修有格調，高雅清新，歐洲風設計，響度食嘢都好舒服。我哋叫咗個一個brunch set同一個兒童餐，兒童餐我哋叫咗炸魚薯條，呢個簡直係小朋友最愛，薯條香脆可口，炸魚外脆內軟，魚肉鮮甜。個餐仲送一杯飲品，我哋要咗橙汁，係鮮榨的，好fresh！最後甜品係士多啤梨雪糕，食完真係透心涼，正~Brunch set頭盤餐湯係青豆湯，湯質夠滑，有啲煙肉喺裏面，鹹鹹地，有口感。主菜我哋叫咗烤龍蝦燴飯，龍蝦都算大隻，肉質鮮甜，個燴飯煙煙韌韌，蕃茄醬汁酸甜適中。飲品我哋要咗個水果特飲，酸酸甜甜，好清新！最後我哋要咗個甜品Chocolate Brownie ，配雲呢拿雪糕。Brownie有口感，有濃烈嘅朱古力香氣，雲呢拿雪糕配響上面，非常配合，令人回味。