Cafe Paradise (砵蘭街) (已結業)

忙完成個禮拜，真係要留番周末俾自己好好喘息，例如訓晏少少再搵間cafe同朋友慢慢食慢慢傾。今日同朋友嚟咗好近太子站嘅Cafe Paradise食下午茶。當然啦，tea time也好我都係叫咗個full嘅all day breakfast，朋友就點咗份西西里茄茸煙肉三文魚意大利飯。All dat breakfast嘅多士分開先上，由於是今日第一餐，真係望到都好想快啲有的食，但都要忍一忍唔好搽果醬食晒，一定要分配定啲多士俾其他配料。上菜速度都好快，先吸引我眼球嘅係非常飽滿嘅炒蛋，打完卡即刻配多士食，真係好食，夠滑亦有輕輕嘅奶香點綴，同烤得脆身嘅多士搭配層次十足。連同其他配料，整體嘅all day breakfast少油少鹽得嚟都有香草提味，算是一個頗健康嘅選擇！🥗朋友嘅risotto茄茸量十分多，醬汁調出來嘅濃香配上煙三文魚都係好夾的。而其中一個重點，佢上碟嘅擺盤真係好適合打卡！📸All Day Breakfast — Paradise Full賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️西西里茄茸煙肉三文魚意大利飯賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️周末坐喺cafe歇息一下充充電