春嬌越南河

營業中

休息中

銅鑼灣加路連山道一帶近車房，其實係靜中帶旺嘅平民美食區。不過呢間越南菜，我真係俾佢個名呃咗入舖裡面食個lunch.我諗住方方便便係食個越南粉麵之後就下午去銅鑼灣行下街。呢碗金邊粉個湯底好濃好澀澀，感覺好糊好漿，食落係有啲辣，但辣得嚟好單調，係有少少香茅同檸檬葉味道，東南亞嘢食嘅香料味真係不足。個杯桂圓龍眼水，得個甜字，太甜啦，一啲都無桂圓果種果香味道。豬扒好薄，煎得好油膩，有醃過肉味都有嘅，但咬落好普通香茅味唔夠，同普通嘅煎豬扒一樣平平凡凡。金邊粉個粉好淋，食落唔爽口。呢碗粉麵，評價好低，銅鑼灣區會有更好嘅選擇。