味真

營業中

休息中

第一城呢個轉角位不嬲都有一間韓國店，10年來轉過幾手，最近換咗新招牌，開咗韓國有成130間分店嘅「味真」。🔸豬三層肉100g脂肪同豬肉層次分明，幾厚身，燒耐啲啲都唔怕💯 呢款三層肉係原味，食得出豬肉同油香嘅甘甜味，除咗用生菜包住食，仲可以用醃蘿蔔或者茖葱包住，或者配搭唔同嘅醬汁食👍🏻 我自己最鍾意茖蔥，第一次聽呢個名，原來係餐廳特別由韓國運送到香港，食落酸酸地，同肉類好夾，又可以解油膩👏🏼 🔸調味豬肋骨100g本身有甜甜地嘅韓式醬汁調味，肉質好軟淋，醃得好入味👍🏻因為有醬汁，要小心啲唔好燒燶啦🥰🔸豬皮100g燒豬皮香港唔係度度有，呢度嘅豬皮厚身得黎唔太韌，滿滿骨膠原好彈牙但又唔油膩，點埋黃豆粉、咖喱粉同甜甜地嘅醬汁，非常惹味，齒頰留香，想瘋狂encore🤤🤤🤤 今餐最最最鍾意就係豬皮🤣🔸韓式雞蛋羹韓國餐廳嘅經典菜式，蒸蛋有香濃嘅高湯味，裡面仲好足料，有洋蔥同菜粒提鮮👍🏼 🔸牛肋骨湯牛清湯清爽得黎好夠肉味，裏面啲粉絲夾晒啲湯，好好味。湯裏面有三大舊牛肋骨，韓藉老闆好細心，幫我哋起骨同埋剪肉，等我哋食得方便啲，服務一流👍🏻 如果啱食，餐廳仲有幾款真空湯包，可以買返屋企慢慢嘆😆🔸西瓜梳打🔸蜜