一泡而紅 (已結業)

星期二同女朋友係百老匯睇完本能2，跟住就去搵野食，其實之前都經過呢間舖頭幾次，但都冇入去，今次女朋友話想試下食泡飯，加上見出面個阿姐拉客拉得咁落力，即管去試下。我叫左個沙嗲牛肉泡飯，我女友叫左個豬頸肉泡飯，等左十幾分鐘先黎，都算慢，跟住d沙嗲牛肉飯幾辣，但係係味精引發出黎的辣味，可想而知味精幾濃幾重，唔怪得我見張張枱都叫左杯野飲啦。女朋友個豬頸肉泡飯好少少，但都好重味精味。我覺得好似食梗公仔麵的湯料+飯咁，感覺好怪，好難食，食左半碗已經冇胃口喇。