影片
更多
2011-04-03
135 瀏覽
突然個客話同我食飯，無訂位差啲無得食，今次坐房睇唔到無敵大海景，不過多左部電視。坐房最慘就係無人理，次次酙茶、落 order 都要走出房外搵侍應幫忙，唔多方便。近日師父啲味精越黎越重手，食完都幾頸渴 ~ 味精抗通賬？海蜇燻蹄，保持水準，燻蹄有趙口、有咸香，皮脆肉嫰。海蜇都滿意既，爽滑囉。最緊要係配個白醋黎食，唔係味道就好寡喇。四川口水雞，失手，好咸啊。完全唔辣，仲好油添，但點解今日啲醬料特別咸架，雞肉口感嫰滑，幾好，只不過太咸呢。避風塘三寶，仲諗住會用炸蒜蓉堆住三寶，原來係用天婦羅既做法炸，再用椒鹽兜兩兜。三寶有魚肉釀青椒、紅椒同茄子，炸醬薄薄一層好鬆化，不太油膩，好好味，尤其係茄子，切得夠薄，炸到熟透，軟棉棉，口感一流。炸明蝦角配沙律醬，又一次失手，好咸呀，今日好多味都出手太重。蝦肉鮮爽，炸得金黃香口，好味道，但太咸。都係較喜歡以前用粉絲卷住炸，賣相吸引又無咁油膩，好懷念。蟹籽燒賣，雖然無咩蟹籽味，但豬肉味香濃，蝦仁鮮甜爽口，只用少量肥豬肉，口感夠實淨，好味道。鮮蝦餃皇，皮薄餡靚夠通透，食落鮮蝦味濃又特出，口感爽甜美味，正。四寶雞札，魚肚、冬菇、雞柳、芋頭。又係芋頭呀？我唔食芋頭架，
海蜇燻蹄，保持水準，燻蹄有趙口、有咸香，皮脆肉嫰。海蜇都滿意既，爽滑囉。最緊要係配個白醋黎食，唔係味道就好寡喇。
四川口水雞，失手，好咸啊。完全唔辣，仲好油添，但點解今日啲醬料特別咸架，雞肉口感嫰滑，幾好，只不過太咸呢。
避風塘三寶，仲諗住會用炸蒜蓉堆住三寶，原來係用天婦羅既做法炸，再用椒鹽兜兩兜。三寶有魚肉釀青椒、紅椒同茄子，炸醬薄薄一層好鬆化，不太油膩，好好味，尤其係茄子，切得夠薄，炸到熟透，軟棉棉，口感一流。
炸明蝦角配沙律醬，又一次失手，好咸呀，今日好多味都出手太重。蝦肉鮮爽，炸得金黃香口，好味道，但太咸。都係較喜歡以前用粉絲卷住炸，賣相吸引又無咁油膩，好懷念。
蟹籽燒賣，雖然無咩蟹籽味，但豬肉味香濃，蝦仁鮮甜爽口，只用少量肥豬肉，口感夠實淨，好味道。
鮮蝦餃皇，皮薄餡靚夠通透，食落鮮蝦味濃又特出，口感爽甜美味，正。
四寶雞札，魚肚、冬菇、雞柳、芋頭。又係芋頭呀？我唔食芋頭架，都唔知幾時啲雞札興起用芋頭，記得細細個時都唔係咁，大多用火腿、珍珠筍、冬菇、豬肚、淮山、蟹柳，不過點都好過有啲食肆搵豬皮扮魚肚啦，過份。講返囍滿庭既四寶雞札，其實最好係唔好拆開，一啖咬齊四種食材先最好食，不同既味道及口感，非常特別又多重層次，非常可口。雞柳雞味濃且口感嫰滑，魚肚軟棉棉，索晒啲精講，鮮甜美味，冬菇爽滑彈牙，腐皮爽滑又嚥靭，正呀。
薑蔥牛百葉，再三失手，好咸呀。口感夠爽夠嫰，但實在太咸喇。
魚湯浸鮮竹卷，味道最正常既一味，清清地既魚湯完全滲入卷中，不俗。無蠔皇鮮竹卷咁膩咁滯，曾係某酒家試過葡汁鮮竹卷，味道更勝一籌，超正。
張貼
