影片
更多
2021-10-01
828 瀏覽
今時今日嘅香港，又話經濟衰退，股市大跌，疫症橫行，中美貿易大戰……但係星期日晏晝去茶樓食餐飯，都真係估唔到要等成個鐘頭飛，痴線。其實咁多人排隊等飛，得兩個原因：一係間餐廳好好食，一係間餐廳賣啲嘢好鬼平。而今次海王漁港又真係好食得黎又幾平。我哋一行四人，被安排入咗一間類似雜物房嘅廳，依個間出嚟嘅「廳」放咗兩張枱，同埋一大堆一大堆唔用又疊左高嘅枱櫈，真係頂佢唔順，等咗成個鐘頭飛坐雜物房。終於換咗另一個位，個支客面口西下西下，好似覺得我哋嫌三嫌四咁，但將心比己，坐雜物房依樣野真係痴線。我哋叫咗個超值龍蝦鮑魚四人餐$880，連埋+1同埋茶錢$1012，平均～$250一個人。青瓜海蜇拼沙薑豬蹄粒 🤤啲黑醋酸酸尾尾幾開胃，海蜇正常味，豬蹄粒好食，連埋佢嗰粒生嘅紅洋蔥🧅一齊食，辣辣地又酸酸地又爽爽地，嘩，諗起都好肚餓。紅燒脆皮乳鴿（每位半隻）由於乳鴿賣晒，轉左燒腩仔例牌😐個皮都係脆嘅，啲肉都唔算鹹，但稍嫌肥咗啲，酒樓黎講算係正常水準。上湯焗開邊龍蝦伊麵（每位半隻）🤤每人有半隻，其實都唔係話特別多肉，但啲肉食起上嚟係爽甜，feel到係新鮮嘅，酒樓黎講，難得！伊麵都煮得唔太淋，味道唔鹹，但稍嫌油咗啲，食
今時今日嘅香港，又話經濟衰退，股市大跌，疫症橫行，中美貿易大戰……但係星期日晏晝去茶樓食餐飯，都真係估唔到要等成個鐘頭飛，痴線。其實咁多人排隊等飛，得兩個原因：一係間餐廳好好食，一係間餐廳賣啲嘢好鬼平。而今次海王漁港又真係好食得黎又幾平。
我哋一行四人，被安排入咗一間類似雜物房嘅廳，依個間出嚟嘅「廳」放咗兩張枱，同埋一大堆一大堆唔用又疊左高嘅枱櫈，真係頂佢唔順，等咗成個鐘頭飛坐雜物房。
終於換咗另一個位，個支客面口西下西下，好似覺得我哋嫌三嫌四咁，但將心比己，坐雜物房依樣野真係痴線。
我哋叫咗個超值龍蝦鮑魚四人餐$880，連埋+1同埋茶錢$1012，平均～$250一個人。
青瓜海蜇拼沙薑豬蹄粒 🤤
啲黑醋酸酸尾尾幾開胃，海蜇正常味，豬蹄粒好食，連埋佢嗰粒生嘅紅洋蔥🧅一齊食，辣辣地又酸酸地又爽爽地，嘩，諗起都好肚餓。
紅燒脆皮乳鴿（每位半隻）由於乳鴿賣晒，轉左燒腩仔例牌😐
個皮都係脆嘅，啲肉都唔算鹹，但稍嫌肥咗啲，酒樓黎講算係正常水準。
上湯焗開邊龍蝦伊麵（每位半隻）🤤
每人有半隻，其實都唔係話特別多肉，但啲肉食起上嚟係爽甜，feel到係新鮮嘅，酒樓黎講，難得！伊麵都煮得唔太淋，味道唔鹹，但稍嫌油咗啲，食多幾啖都會覺得幾膩，怕膩嘅可以用啲水浸下啲伊麵，咁就好好多。
西蘭花炒帶子珊瑚蚌 🙂
有鑊氣，西蘭花炒到爽脆，帶子珊瑚蚌都入味，但都唔鹹，唔錯！
私房欖豉醬蒸龍躉斑（約兩斤重）🤤
新鮮！蒸魚嘅時間啱啱好，啲肉滑得黎有魚味，配埋甜甜地嘅欖豉醬一齊食，成個配搭都好唔錯。
鹽燒六頭鮑魚🤤
本身麻麻哋食鮑魚，但依碟係我食過最好食嘅鮑魚，佢鹽燒得黎唔會整到好似擦子膠咁難咬，啲肉爽口，個裙邊就有少少嘅脆，味道就有啲似椒鹽+避風塘嘅整法，少少辣，好食，改變左我一直對新鮮鮑魚嘅睇法。
燕窩燉奶 😐
本身唔鍾意口水，燉奶都算OK又唔太甜，酒樓黎講冇得要求太多，算正常水平。
Mcmug綜合評分：7.5/10🤤，支客西口西面，傳菜嘅寸寸咀咀，好彩我生得靚仔冧得掂個侍應，冧到佢俾左幾張濕紙巾我同埋幫我換兩次碟✌️。Your face Your fate，如果你自信可以冧得掂啲呀姐或者唔介意啲服務態度，而又著重食物質素，依度真係值得一試！
Mcmug綜合評分：8/10 好味
「好食7級🐽」：
☹️👹極度難食，中伏 very very bad bad
☹️難食 very bad
🙁幾難食 bad
😐普通no good no bad
🙂幾好食good
🤤好食 very good
🤤😇好鬼好食，必試 very very good good
張貼
