影片
更多
2018-09-10
329 瀏覽
以前食譚仔覺得幾好味，今次覺得味道比較淡，麻麻之餘，服務態度比我感覺唔好，正確啲講只係其中一位落單嘅職員。我哋坐低後即刻問職員拎餐牌落單，第一個落單嘅朋友喺最後改第二樣嘢食，其實係我哋輪住叫完嘢食後即刻改同埋有講唔好意思，個職員即刻黑面，再將眼向上反，好盡力咁唔比眼珠我哋睇。不過譚仔真係趕時間嘅一個唔錯嘅選擇，而且呢間分店都幾大，坐得都舒適，味道方面普通，配料無咩特別好食。過橋米線套餐(清湯底)，湯底有啲淡。墨丸魚蛋米線(鮮蕃茄湯底)，蕃茄味唔夠。過橋米線套餐(湖南酸辣湯底)，呢個應該係最夠味，但我唔食得辣。湖南土匪雞翼，雞翼都比較淡，唔重孜然味。新疆香草雞翼，感覺兩種雞翼嘅味分別唔大。
過橋米線套餐(清湯底)，湯底有啲淡。
墨丸魚蛋米線(鮮蕃茄湯底)，蕃茄味唔夠。
過橋米線套餐(湖南酸辣湯底)，呢個應該係最夠味，但我唔食得辣。
湖南土匪雞翼，雞翼都比較淡，唔重孜然味。
新疆香草雞翼，感覺兩種雞翼嘅味分別唔大。
張貼
