山旮旯 (已結業)

約朋友食飯，去左山旮旯，位置如其名係有少少偏辟，但唔算難搵，店內位置夠開揚，所以坐得好舒服，放假黎呢度食個brunch都非常唔錯，坐低叫左馬拉蜆熱煱芝士汁蒜茸包，如果唔鍾意蒜茸包，可簡薯條或意粉，蜆夠哂大隻，而且個汁好好味，店員會準備酒精膏比你慢慢燉住食，等d汁再收得杰身d用黎配蒜蓉包更好味，其實蒜蓉包三片略嫌少左d,不過都焗得鬆脆，而且蒜味足夠。再黎老乾媽香辣一口和牛粒粉意大利麵，呢個非常推介，味道香又唔會太辣，而且意粉整得非常彈牙，味道唔錯。最後食埋個炸魷魚，份量唔少而且炸得香口好食，整體食物味道都唔錯，應該會再encore~