小火焰韓式咖啡廳 (金山樓) (已結業)

平時經過呢間韓國餐廳都見到有人等位，就知食物應該唔錯，今日終於黎試吓先。食物選擇都幾多，價錢也合理。香芒炸雞沙律 :炸雞配沙律好特別比較少有，其實兩者係好好既配搭，感覺清新啲冇咁熱氣，配合新鮮香芒仲好fresh ! 同店員講朋友怕辣所以幫我地將炸雞既甜辣醬另上，非常細心，但其實甜辣醬唔太辣仲覺得好惹味。韓式煎雜菜蝦餅: 似中式茶樓飲茶的煎薄罉，韓式既用上好多不同配料，蔥段、洋蔥、鮮蝦同泡菜。蝦餅煎到香脆可口，是必食推介。