老金煎餅 (已結業)

之前都食過幾次老金煎餅，不過食評係第一次打。中環灣仔兩間分店都有買過，因為岩岩開張個時好hit，好多人都話好味，所以跟風買，覺得味道唔錯。我個人認為港式甜煎餅味道最好，煎餅入面脆脆地，甜味唔over，有少少似細個成日食嘅格餅，都係有啲花生醬。因為今次食嘅係港式甜煎餅同飲左杯豆漿，所以我就打港式甜煎餅同豆漿嘅讚同彈。讚：上面講左，煎餅入面脆脆地，甜度適中（個人感覺）。女士們食細size應該足夠。彈：入住煎餅嘅袋會有倒汗水出，搞到塊煎餅濕左😰😰豆漿方面：買煎餅可以加五蚊買豆漿，價錢合理，但雪櫃唔夠凍，搞到杯豆漿都唔凍。味道稍為淡左少少。店面：企到埋去收銀處都無人理，要叫下啲店員先郁，望落啲店員都係後生仔女。同埋店面有好多大蒼蠅喺啲材料面飛黎飛去，睇見都驚😥。