1仔冰室 (已結業)

呢間冰室上菜好快，由落單到上菜大概十分鐘左右，超乎我預料。因為我點左個支竹火腩鱔煲，通常呢啲都要煮耐啲，我預計都要啲時間先上菜，點知佢一落完單上左個例湯，我飲左一半都唔夠，兩個餸都上晒。個鱔煲好夠味，支竹吸了鱔煲啲汁，非常好食，鱔都好香脆，只係啲火腩有啲「鞋」，比較難咬入口，但整體味道都好唔錯。沙茶醬炒芥蘭好惹味，而且炒得剛好，芥蘭唔過火，仲好青綠爽脆，牛肉亦炒得剛好唔會「韌」但略嫌啲芥蘭葉有啲啲老。