뽀끼 正宗韓國小食 (已結業)

依區小食多，有時食得多都悶，成日見到依間店長期迫爆人，本身愛食韓食既我，又點會執輸唔食<<醬烤雞>>食落甜甜地，雞肉幾嫩滑又大大件，味道夠濃好惹味<<壽司卷>>口感幾煙韌，好香麻油味，餡料好足<<泡菜炒飯>>份量比想像中多，食落勁濃泡菜味，雞肉、洋蔥配料一齊炒，愈食愈辣好過癮<<粉絲卷>>紫菜捲住爆滿粉絲，外皮炸得好脆，內餡口感好煙韌，個口感幾特別，配埋年糕辣汁又幾夾啵<<蜜糖牛油薯仔>>店員推薦我叫依個薯仔，係老闆自家製，蜜糖淋係薯仔面，薯仔第一啖咬好脆，食落口感軟淋淋甜甜地，食一粒都幾飽肚整體味道十足十餐廳質素，份量都算大份，難怪咁多人等住食