影片
更多
2021-12-01
930 瀏覽
餐廳改左名做Noypi’s Restaurant and Bar ，本身我哋行嚟行去都搵唔到😂直至門口嘅女員工提醒我哋先知搵啱路🍽食物：✨Chicken Momo 尼泊爾餃子(雞肉)$88 8/10係menu上面搵唔到呢道菜😂要同店員落單。第一次食尼泊爾餃子估唔到味道都唔錯！皮雖然唔係好薄但係好煙韌，咬開仲有肉汁。啲餡有少少香料嘅辣同好大陣薑味，佢配嘅汁係有啲海南雞飯嘅辣汁，覺得唔洗蘸汁食都好味👍🏻Butter Chicken Curry 奶油雞 $112 7/10咖哩有輕微嘅辣，又有好香嘅椰奶味，雞肉煮到好淋好入味，而且份量唔少，用naan蘸嚟食好夾👍🏻Plain Naan Bread 印度烤餅 $28 7/10見咖哩嗌左牛油雞所以就嗌plain naan，佢係用籃裝住3大塊咁上，我覺得熱食更好味，因為會更鬆軟，涷左就變得好韌👎🏻BBQ Skewers 3 (pork) 燒烤串(豬肉)$88 4/10呢個嘅醬汁實在太鹹，連蘸其他醬食都食唔出係咩味淨係得個鹹字，同埋燒到好燶，有啲邊位已經係焦黑左🥴佢用嘅係五花腩部位，所以會食到好大舊肥肉，可能嗌雞肉會好味啲我哋仲嗌左2杯mock tai
🍽食物：
✨Chicken Momo 尼泊爾餃子(雞肉)$88 8/10
係menu上面搵唔到呢道菜😂要同店員落單。第一次食尼泊爾餃子估唔到味道都唔錯！皮雖然唔係好薄但係好煙韌，咬開仲有肉汁。啲餡有少少香料嘅辣同好大陣薑味，佢配嘅汁係有啲海南雞飯嘅辣汁，覺得唔洗蘸汁食都好味
👍🏻Butter Chicken Curry 奶油雞 $112 7/10
咖哩有輕微嘅辣，又有好香嘅椰奶味，雞肉煮到好淋好入味，而且份量唔少，用naan蘸嚟食好夾
👍🏻Plain Naan Bread 印度烤餅 $28 7/10
見咖哩嗌左牛油雞所以就嗌plain naan，佢係用籃裝住3大塊咁上，我覺得熱食更好味，因為會更鬆軟，涷左就變得好韌
👎🏻BBQ Skewers 3 (pork) 燒烤串(豬肉)$88 4/10
呢個嘅醬汁實在太鹹，連蘸其他醬食都食唔出係咩味淨係得個鹹字，同埋燒到好燶，有啲邊位已經係焦黑左🥴佢用嘅係五花腩部位，所以會食到好大舊肥肉，可能嗌雞肉會好味啲
我哋仲嗌左2杯mock tail，味道都好safe
👉🏻Fruit Punch $55 6/10
蘋果汁、菠蘿汁、小紅莓汁、橙汁同石榴糖漿
👉🏻C-energizer $55 6/10
菠蘿汁、士多啤梨汁同橙汁
⛩環境：
👍🏻裝修簡約，我哋當晚2個人佢都俾左張4人枱我哋坐，係一個幾適合同朋友聚會嘅地方
👉🏻燈光昏暗，見到有客人要開電筒睇menu寫啲咩😂
💁🏼♀️服務：
👍🏻員工殷勤有禮，帶位嘅女員工同我哋解釋原來佢哋改左名，仲主動話menu上冇嘅嘢都可以嗌，如果唔係我哋都食唔到momo，同埋會講返menu上面有啲翻譯錯左
📝總評：7/10
初嘗尼泊爾菜，其實我都唔知咩係正宗，但呢度嘅咖哩味道唔錯，momo餃子有啲驚喜，而且坐得幾舒服，不妨可以一試
⏱冇限時
張貼
