銀城金閣海鮮廚房

營業中

休息中

朋友話新開左間餐廳，食完覺得唔錯，推介比我地去試，而且話焗魚腸必食，我提前卜左父親節正日，同屋企人一齊黎食。《雞蛋焗魚腸》$158呢個係一個懷舊菜式，魚腸加上芫荽、薑等配料，同雞蛋撈勻放入缽仔，再以蒸焗方法煮。焗完面頭系脆身嘅，魚腸好新鮮，唔落胡椒粉食都唔會過腥，水準唔錯。《上湯龍蝦配剪米粉底》$498澳洲青龍果然好食，龍蝦肉鮮甜，好重龍蝦味，再加埋煎米粉底（另加$50），索曬龍蝦汁嘅鮮甜，好好食，推介大家轉剪米粉底。不過由於父親節正日，價錢偏貴，朋友話之前餐廳做優惠，只系$298。《黑醋一字骨》$155一字骨都幾大條，而且蚊到肉質好腍，配上黑醋汁，酸酸甜甜，好岩送飯。《金銀蛋浸白菜仔》$148白菜仔好新鮮，加上清雞湯，味道一定好味，可以當系一個菜湯，飲落去都清甜，唔會過咸。《欖菜肉鬆炒菜心》$158菜心鮮嫩，炒得岩岩好，唔會過老，加埋欖菜同肉碎令味道更豐富，而且都系一碟好岩撈飯食嘅菜式。《生炒糯米飯》$158糯米飯味道不錯，好香嘅臘味味，但略嫌炒得唔夠乾身，偏濕。《薑汁撞奶》（免費）薑汁味岩岩好，唔會過濃唔會過淡，而且好滑身，甜而不膩，系個唔錯嘅甜品。