影片
更多
2023-01-24
199 瀏覽
依家連鎖丼飯屋，我相信大家未食過都一定聽過，我個人感覺都幾抵食，味道方面就要見仁見智，不過我覺得係唔錯嘅可能因為好晏先去食，所以餐廳有好多空位，唔需要排隊就可以直接入座，然後擇左一個平時都少見人點嘅名物牛筋丼，同埋見到佢依家有個新嘅季節限定追加「大阪燒風玉子卷」，咁見到季節限定就諗住試吓，所以加$18加配咗名物牛筋丼 $78 （定）$93如果單點一個丼飯要$78，但係加多$15就可以升級成定食（多咗前菜、麵豉湯、飲品同甜品）咁個前菜，係一份好細份嘅涼拌菜，味道不過不失咁，冇特別；同樣麵豉湯都係正常麵豉湯嘅味道，唔可以話難飲，但係飲太多都係會覺得鹹，所以都淨係食咗面頭嗰三舊豆卜，湯反而就冇咩點飲到。咁講返個主角先，睇到個丼飯表面淋上咁多沙律醬同七味粉，你就知道依個丼飯係偏重口味嘅，所以喜歡清淡嘅一定唔好叫依個。沙律醬底嘅係好多已經燒香咗嘅牛筋，而且為咗方便食用，已經切成細粒，所以一開始把丼飯撈勻，保證每一粒飯都可以吸收到牛筋嘅油分。雖然牛筋燒香咗之後食落去嘅口感有少少似食緊脂肪，但係相對脂肪，牛筋食落去唔會有一口油嘅感覺，而係有點咬口，需要略加咀嚼才可以食到牛筋嘅香味，但又唔似在食肉，
可能因為好晏先去食，所以餐廳有好多空位，唔需要排隊就可以直接入座，然後擇左一個平時都少見人點嘅名物牛筋丼，同埋見到佢依家有個新嘅季節限定追加「大阪燒風玉子卷」，咁見到季節限定就諗住試吓，所以加$18加配咗
名物牛筋丼 $78 （定）$93
如果單點一個丼飯要$78，但係加多$15就可以升級成定食（多咗前菜、麵豉湯、飲品同甜品）咁個前菜，係一份好細份嘅涼拌菜，味道不過不失咁，冇特別；同樣麵豉湯都係正常麵豉湯嘅味道，唔可以話難飲，但係飲太多都係會覺得鹹，所以都淨係食咗面頭嗰三舊豆卜，湯反而就冇咩點飲到。
咁講返個主角先，睇到個丼飯表面淋上咁多沙律醬同七味粉，你就知道依個丼飯係偏重口味嘅，所以喜歡清淡嘅一定唔好叫依個。沙律醬底嘅係好多已經燒香咗嘅牛筋，而且為咗方便食用，已經切成細粒，所以一開始把丼飯撈勻，保證每一粒飯都可以吸收到牛筋嘅油分。
雖然牛筋燒香咗之後食落去嘅口感有少少似食緊脂肪，但係相對脂肪，牛筋食落去唔會有一口油嘅感覺，而係有點咬口，需要略加咀嚼才可以食到牛筋嘅香味，但又唔似在食肉，有點特別嘅口感，係其他部位食唔到嘅口感
不過這個丼飯真係比較重口味，因為除咗表面淋上嘅沙律醬同七味粉，燒左嘅牛筋也配有醬油，所以一齊食的話，容易覺得鹹，但係不會覺得油膩，因為七味粉中和左沙律醬嘅油，而且牛筋又唔係好油，所以整體感覺唔錯，但就係需要飲水或者飲飲品，同埋食得多會有少少厭，因為由一開始嘅味道，到最後都是一模一樣，唔會有咩分別。如果可以的話，同人分享會比較好
升級左成定食之後會有一杯飲品，雖然可以加錢升級成其他飲品，但係我就冇加錢，淨係要咗佢嗰杯果茶，味道就係那種一大包沖劑整成嘅果茶，冇咩特別，但係因為係凍嘅，係食依個牛筋飯嘅時候，佢嘅存在就很重要，因為牛筋飯太過重口味，淨係飲水都唔係好夠，所以有杯野飲會舒服啲
咁佢嗰甜品都冇咩特別，係普通嘅寒天，靠佢嘅醬調味，因為寒天本身冇咩味，但係佢個醬都冇咩味，好淡，淨係食到少少甜味，個人感覺唔太鍾意，因為食完都唔太食到嗰個究竟係咩醬
大阪燒風玉子卷 加配價$18
原本都係見到佢係個季節限定先諗住加配，結果一上到枱，見佢就係一個普通嘅玉子卷配上木魚絲同少少醬，而且玉子卷好明顯係嗰啲一包包嘅急凍玉子，真心唔建議加配，因為份量少又冇特別
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
張貼
