鮨和居食屋 (已結業)

居酒屋係放工約朋友食野嘅一個好選擇😋因為由燒物到刺身都可以食到，唔洗擔心冇野好揀。今次同朋友就試左呢間位於銅鑼灣嘅鮨和，價位黎講算係中高檔，但味道都幾有水準。✨和風沙律卷（$55）首先食嘅係味道較為清新嘅和風沙律卷，紫菜入面包左大量嘅生菜、青瓜絲、雞蛋絲同三文魚，旁邊淋上微酸嘅紫蘇汁，食落爽口清新。✨法國生蠔（$108/半打）見生蠔幾抵食就叫左半打試下，雖然價錢唔貴，但生蠔比想像中新鮮❤️蠔嘅size唔算打，食落鮮甜重海水味，值得推介！✨燒蟶子（$128）燒蟶子上加左大量嘅蒜蓉同牛油，非常岩我口味😋食落香味十足，但又唔會蓋過左蟶子本身嘅鮮甜味，我個人非常鍾意❤️✨串燒牛吞（$38）/ 雞中翼（$35）/ 豚五花腩（$35）/ 豬頸肉（$40）食居酒屋當然要叫串燒，我同朋友就分別揀左幾款較常見嘅串燒。串燒都係新鮮燒起，以日式風味鹽燒而成，價錢合理而且味道都唔錯。✨牛肉壽喜燒鍋（$240）最後叫左呢款牛肉壽喜燒填下肚🤣成個壽喜燒非常足料，入面加左各種菇菌、粉絲同牛肉，湯底飲落偏甜。牛肉方面用左普通嘅肥牛，食落口感算係不過不失，但整體黎講都ok.Overall黎講餐廳嘅食物水準都唔錯，價錢中上。