影片
更多
2018-01-07
6357 瀏覽
安格斯牛柳粒鍋飯 $150好少食中檔以上日本菜 有日經過呢間門口無端端就訂左枱 不過到食果陣都係慳家食法之二人食平過一人前鐵板套餐飽肚啲主菜淨係叫左呢個飯 個飯好有驚喜 無錯 我係特別讚個飯 度度都有鍋飯叫 唔通個個都係真鍋飯咩 安格斯牛柳粒質素我覺得比一般稍好 但個飯真係好惹味 明明混汁量唔算太多 但係好有鍋味 唔知係咪同伴菜黃椒青椒洋蔥有關呢 定係因為一早撈勻左隻溫泉蛋 當日我係愈食愈開胃 而牛肉粒黎講都唔會過韌 當然唔好期望佢有和牛咁既口感 當有啲肉落下肚又有啲咬口咁整個飯價錢唔係叫好平 不過比起其他鐵板燒水產之類經已係幾經濟 質素都唔曳 推介作豪食前"浪"下肚之選廣島蠔山葵燒 $80本來考慮緊叫鵝肝多士 不過無記錯餐牌無睇錯隔離枱應該要成舊水先得一塊 雖然遠睇鵝肝唔細塊 不過都轉左軚叫左呢份燒double蠔開心share呢份燒蠔都算ok既 特別之處係佢用wasabi配合疑似芝士整 幾有新意 食落juicy味濃 岩哂怕蠔腥之人 因為本人對食蠔其實麻麻 所以唔知隻蠔算咩質素 size就唔大唔細 蠔縠下面有兩舊雲狀物體 一試原來係鹽黎 幾有趣既present 紅色果條懷疑係紅椒黎 擺
安格斯牛柳粒鍋飯 $150
好少食中檔以上日本菜 有日經過呢間門口無端端就訂左枱 不過到食果陣都係慳家食法之二人食平過一人前鐵板套餐
飽肚啲主菜淨係叫左呢個飯 個飯好有驚喜 無錯 我係特別讚個飯 度度都有鍋飯叫 唔通個個都係真鍋飯咩 安格斯牛柳粒質素我覺得比一般稍好 但個飯真係好惹味 明明混汁量唔算太多 但係好有鍋味 唔知係咪同伴菜黃椒青椒洋蔥有關呢 定係因為一早撈勻左隻溫泉蛋 當日我係愈食愈開胃 而牛肉粒黎講都唔會過韌 當然唔好期望佢有和牛咁既口感 當有啲肉落下肚又有啲咬口咁
整個飯價錢唔係叫好平 不過比起其他鐵板燒水產之類經已係幾經濟 質素都唔曳 推介作豪食前"浪"下肚之選
廣島蠔山葵燒 $80
本來考慮緊叫鵝肝多士 不過無記錯餐牌無睇錯隔離枱應該要成舊水先得一塊 雖然遠睇鵝肝唔細塊 不過都轉左軚叫左呢份燒double蠔開心share
呢份燒蠔都算ok既 特別之處係佢用wasabi配合疑似芝士整 幾有新意 食落juicy味濃 岩哂怕蠔腥之人 因為本人對食蠔其實麻麻 所以唔知隻蠔算咩質素 size就唔大唔細 蠔縠下面有兩舊雲狀物體 一試原來係鹽黎 幾有趣既present 紅色果條懷疑係紅椒黎 擺開左一邊無理所以唔肯定
又係啦對比餐牌其他小食黎講唔算貴 會食wasabi之人可以一試
串燒拼盤 $118
原本淨係想食牛舌 不過睇返個價索性叫成份串燒拼盤抵食啲 可能因為友人提早食到手停口停 份串燒大部份落左我肚 都幾滿足下
友人覺得是晚最有驚喜既竟然係雞軟骨串 都難怪既因為佢串雞軟骨真係食到燒出黎既味道 明明又無燒焦 兩個字講哂-高質! 除左雞軟骨仲有牛舌 不過不失咁 個人特別鍾意配檸檬汁食牛舌 另外有串蔥夾住唔記得咩肉 食完無咩印象 另一串好似係煙肉包車厘茄 ok juicy下又可以中和下肉感 仲有串係冬菇 standard味道 當然配菜木魚我地都無放過清哂咁劑
成碟最深刻係雞軟骨 其他串唔差但又算唔上好好食 如有其他菜式想試都可以唔叫呢樣
稻庭烏冬 $88
曾經形容過自己屬麵系之人 各款麵當中又特愛凍稻庭烏冬 猶記得仲係平食赤丸果個年代最鍾意叫淨冷烏冬x2/3咁食
呢度份稻庭烏冬好明顯就唔係平價 內容又如何呢 首先講麵底 份量唔算少 當然都唔好期望食呢份野會飽肚 麵身特幼 比好多見開既稻庭烏冬幼 沾埋凍醬汁食味道不錯 意料之外係配料份量同麵量成正比 都有返咁上下脆口粒粒蝦乾蔥花同冬菇片 有啲料口感會無咁寡
稻庭烏冬可以配好多唔同主材料整 本人偏偏鍾意最簡單既配醬汁淨食 多年不變
張貼
