鵝公館

營業中

休息中

好少嚟深水埗，今日路過見到呢間店，主打潮州滷水鵝，即刻決定打包返屋企加餸。要咗一個鵝下庄，兩個鵝肝，原本想要埋鴨下巴，但係師傅話賣晒，只好作罷。返到屋企，第一時間試味......嘩，真係好味喎！鵝肉好嫩，鵝肝好滑，最重要嘅係打包嘅滷水汁味道適中，蘸完嘅鵝肝、鵝肉好和味，唔會死鹹或太淡，感覺好完美！食完之後上嚟睇食評，驚覺毁譽參半，所以即管講下我嘅感覺分享下。我覺得滷水係呢間店嘅靈魂，有咁好味嘅滷水汁，令我對其他食品都有期待。下次再經過我會試埋鴨舌、鵝頭同鴨下巴，應該唔錯。