炑八韓烤 (已結業)

星期六假期同為食朋友約食午餐，一行三大一小食韓燒，選擇了炑八韓烤，之前食過一次，呢間都係韓燒算是中上味道呀。今次再次去食，午餐款式都幾多，豬，牛，雞，海鮮都可以選擇，朋友點了牛拼，我點了組合（豬，牛，雞）都有，另外個朋友點了黑毛豬。朋友點埋爐邊蛋，一邊泡菜蛋，一邊原味。點套餐會有前菜任食，包一碗湯及一碗飯。重點介紹泡菜，真係好好味。唔會過咸同過辣，超級爽脆，我地未有主菜已經食左兩碟泡菜啦！我地仲加錢$25一碗，另外點了一碗紫菜半熟蛋飯同蟹膏拌飯。主菜黎啦，牛拼盤好靚既色水，唔係凍冰冰的牛肉，豬拼有玻璃肉，我最鐘意食夠爽脆。組合拼盤都好靚，唔會多脂肪朋友鐘意蒜頭夾肉包生菜，但叫左6-7次先黎到一小碟得4-5片蒜片，其他需要叫待應既時候，待應們都好忙好忙，唔得閒理我地......希望可以改善一下啦！