聯華茶餐廳

營業中

休息中

好有老香港感覺的店面叫了個焗豬扒飯，呀姐好友善，落單時話「今日焗豬好靚呀，送個例湯你飲，要中定西湯？」我揀左個中湯，青紅羅白湯，好有家庭味道！焗豬即叫即焗，等左10幾分鐘，無問題！上枱時已經飯同豬扒倒左上碟個焗豬扒飯同平時大X樂個種西式既味道唔一樣， 首先個炒蛋飯底，飯比較霖，味道不似炒飯反而似細個呀婆整既雞蛋蒸飯，茄汁都唔係平時點薯條茄汁既味，應該是鮮茄加青芹既味。豬扒好大舊，粉漿厚，肉偏肥所以霖身。總之，我會形容佢係中式既焗豬飯。可能我鐘意同慣左西式大X樂既味，而且本人喜歡粒粒分明既飯，所以唔係我杯茶 （不過可能有人會喜歡呢種中式既味，各有各喜好吧）要一提是份量非常多，2人食都足夠有餘第二日買左個外賣粟米班塊飯，份量一樣好多。魚都有4～5塊大大舊魚肉都好足，唔會只有炸粉。炸得唔錯，外賣拎走15分鐘後食都仲覺魚好脆。個汁是盒裝那個甜粟米。 成個汁偏甜。 可能我鐘意咸既粟米汁，所以都唔係我杯茶。總結，2 個飯都唔係好arm 我胃口， 不過又唔可以話佢難食，可能只是各人口味唔同。小店經營呀姐友善，街坊生意，見到好多呀叔去開飯。