雲桂香米線專門店

營業中

休息中

以前成日喺路德圍嘅雲桂香食米線，覺得佢都幾好食，今日下晝3點幾行過，見佢無乜人，坐得又幾舒服，d位唔太迫，就入咗去。叫咗個中辣嘅腩肉蘿蔔米線，等咗一陣，好快有得食，睇個樣都應該幾好味，個湯紅紅底，覺得應該好惹味，先飲一啖湯，只有少少辣，又無酸味，又無鹹味，整體味道都好淡，講真都幾失望。米線好淋，不過都可以接受。腩肉就正常，份量就唔多，得幾片。最失望嘅係蘿蔔，一d都唔淋，因為佢好硬，所以都吸唔到d湯，入口好淡無味，絕對係叫唔好食。記得以前嘅雲桂香嘅米線，味道幾好，但噤耐無食，今次食返，真係有d失望。