譚仔雲南米線 (西九龍中心)

營業中

休息中

中午時段黎譚仔真係好多人，但好彩撞正啲人食完一輪，好快就入得。平時食開麻辣三小，今日想轉下口味就叫左碗蕃茄十小辣米線，餸揀左雞肉同魚腐。不嬲都好中意食蕃茄湯，但係譚仔食就真係第一次。蕃茄湯唔係好濃，但加左十小辣有帶出左蕃茄味，而且唔會太辣，食到蕃茄湯既酸甜。雞肉真係幾多，好似食極都有咁，而且對比我上次食啲肉好似冇咁乾。魚腐就一如既往咁好味啦，好彈牙。土匪雞翼每次都一定要食，雖然落左好多調味料好熱氣，但真係太好食喇，自己食一碟都唔夠。啲雞翼又大隻，咬落去好多肉汁。