Extra Virgin (已結業)

呢度都開左一段時間，記得新開張嘅時候定價進取啲，8/90蚊冇乜生意，好快就推出左$68連飲品嘅set，生意就有返起色。嗰陣set lunch好似得四五款，宜家發展到menu更多選擇，價格又好相宜。牛油檸檬汁魚柳，我諗係熱賣嘅食品，全場好多人揀呢碟，魚柳有成兩大塊！！！味道普通，同埋自己本身唔係咁鍾意食呢啲急凍魚，純粹見個個都叫呢款自己又叫埋一份。意粉標榜用初榨橄欖油煮，雖然話比較健康，但意粉都係偏油，一個女仔食唔哂，仲飽飽滯滯...其他我都食過嘅，其實揀返啲白汁呀茄汁呀嗰啲都正常冇伏。$58，凍飲唔加錢，又唔加一，抵到爛👏🏻最近仲做埋外賣，好平。