波羅密素食 (已搬遷) 新店位置

店舖位置指示唔清晰，我地幾個上去既時候都分別入錯左 SaSa，應該改善一下 signage。齋拼盤：拼盤只得指定兩款齋，味道麻麻，食剩好多。碧綠珊瑚：露筍又細條又老，上面既鮮奶蛋白 “一pat pat”又無味，好難食。蓮藕素鴨煲：主要食到鼓油味, 真係麻麻。金針雲耳冬茹烤麵：同蓮藕素鴨煲既調味好似，只是材料唔同左。日式芥末沙拉骨：芥末味太少，沙拉骨中間有一支甘蔗，感覺似食泰式蝦餅甘。沙嗲什錦串燒：最好食既菜，款色和味道各有特色，唔好似其他幾個菜甘相似既煮法和味道。甜品：紅豆糕和南瓜糕是飯後送既甜品，味道清甜，南瓜糕有一粒粒既南瓜係里面，味道幾好。我地額外點左桂花糕和湯圓，桂花糕清香爽滑，湯圓既糖水就太過甜。食物雖然大碟，但味道一般，而店員服務幾親切。