鴨仔冰室 (已結業)

今日返工返到好悶，就約左閨蜜去觀塘行街，行到累就去搵野食，黎到呢間餐廳，裝修氣氛都唔錯，加上服務員熱情既招待好快就坐底左。我地叫左兩個套餐，隨餐可加5蚊有沙律或餐湯，我地兩樣都叫曬，個沙律好fresh，有咪dressing十分芝味。個餐湯就好creamy,濃濃既芝士味係我口中徘徊，一諗起都流曬口水。首先我就叫左個鐵板西冷牛扒配薯仔，配黑椒汁，塊西冷牛扒超巨型超大塊，用餐刀輕輕一切就到底，入口即溶，配咪個黑椒汁十分滿足。閨密就選左鴨仔鐵板什扒，非常多種類，有珍寶腸，雞扒，牛扒等等，呢個就配意大利麵，撈埋啲黑椒汁食特別好味。隨餐跟咪兩杯野飲，閨密就選左熱可力，味道十分濃厚，一啲都無偷功減料。我就選左雪糕可樂，口感非常豐富，係我既最愛，飲完後十分滿足。