鮮芋仙 (MPM文華商場)

營業中

休息中

今日同朋友早左食完晚餐 可能比較早，經過鮮芋仙見到冇咩人就入左去試下我地叫左個芋薯圓Q麻糬牛奶冰 $58上到枱比我想像中嘅大碗，似一坐山因為我地三個人都比較細食，所以份量都算足夠，都算抵！一碗入面有雪糕，芋薯圓，冬瓜凍，小芋圓，黑糖同牛奶麻糬！我地都覺得最好食嘅係麻糬，口感好煙靭，味道都非常之好，其他配料就不過不失，但係可能淋嘅醬比較少，食到後來已經無咩醬，只有啲淡淡嘅冰。總括嚟講唔算係特別驚喜，但勝在都算抵食，都可以一試。