影片
更多
2013-08-02
174 瀏覽
早幾日午飯時間同同事路過，發現呢間嘢新開張，隔離嘅粥舖同四川菜take out都好多人等外賣，惟獨佢冷冷清清。當時有職員捧住啲切成一片片嘅手卷俾做試食宣傳，試咗一片，味道都ok，過兩日咁啱又冇帶飯，就去幫襯。當日同我哋發現呢間舖嗰日情況類似，都係周圍好多人而佢又冇乜人，只得一個客人堂食。不過入到去我總算明白佢冇人排隊唔出奇，因為佢啲手卷係整定哂放喺凍櫃入面，好似餅店咁格局。驟眼睇個凍櫃都算乾淨（新開張都唔污糟得去邊），我嘅關心係冇獨立包裝之下雪住嘅手卷可以有幾鮮味。睇埋個價錢，最平嗰條都要$20，大部分款式介乎$23～$26，而條手卷只有女仔玉手三分之二嘅長度，約4.5"左右！那麼一刻真係有啲想調頭走...... 不過啲店員盛情難卻，就把心一橫試一試。店員推薦我買set。佢哋有三個set：兩條手卷＋麵豉湯／汽水，兩條手卷＋麵豉湯＋汽水，三條手卷＋麵豉湯＋汽水。我買咗第一個，盛惠$50但當你細看，就會發現set嘅手卷係名副其實被set定咗－－加洲手卷＋吞拿魚牛油果手卷，仲要似係固定menu，唔似日日換款（唔知有冇誤會）。兩款都啱胃口所以冇乜所謂，但只得一個選擇，唔食呢兩款嘅朋友咪冇set
當日同我哋發現呢間舖嗰日情況類似，都係周圍好多人而佢又冇乜人，只得一個客人堂食。不過入到去我總算明白佢冇人排隊唔出奇，因為佢啲手卷係整定哂放喺凍櫃入面，好似餅店咁格局。驟眼睇個凍櫃都算乾淨（新開張都唔污糟得去邊），我嘅關心係冇獨立包裝之下雪住嘅手卷可以有幾鮮味。睇埋個價錢，最平嗰條都要$20，大部分款式介乎$23～$26，而條手卷只有女仔玉手三分之二嘅長度，約4.5"左右！那麼一刻真係有啲想調頭走...... 不過啲店員盛情難卻，就把心一橫試一試。
店員推薦我買set。佢哋有三個set：兩條手卷＋麵豉湯／汽水，兩條手卷＋麵豉湯＋汽水，三條手卷＋麵豉湯＋汽水。我買咗第一個，盛惠$50但當你細看，就會發現set嘅手卷係名副其實被set定咗－－加洲手卷＋吞拿魚牛油果手卷，仲要似係固定menu，唔似日日換款（唔知有冇誤會）。兩款都啱胃口所以冇乜所謂，但只得一個選擇，唔食呢兩款嘅朋友咪冇set食？
因為根本唔需要整，俾錢等店員裝碗麵豉湯出嚟，已經可以走得。返上公司，行到半路先醒起試食時嘅印象先入為主，佢好似冇幫我切片。因為佢唔係頭尖尾窄嗰種傳統日式手卷，頭咁粗尾咁粗咁都幾難進食，男士可能冇乜所謂，但女士揸住嚿飯嚟咬就唔係咁斯文。我諗客人要求的話店員都會樂意切，但作為服務業，店員應該體貼啲，主動問客人需唔需要切開佢。唔係間間公司都有果刀，嗰日我就只得一把月餅刀，一切即散，最後只好咬包咁咬。
拎到返公司，老細（日本人）問我食乜，我就打開俾佢睇。點知佢睇到好似有啲嚇親，同我講大熱天時食壽司要小心衛生。其實兩條手卷包裝都ok，係用防水紙盒唔係發泡膠，觀感唔差，老細嘅意思應該係指佢冇獨立包裝。照咁睇呢間嘢應該做唔到日本人生意，雖然佢嘅target group都唔似係做日本客。
實際食放入口，兩條手卷啲餡都足，幾新鮮，味道亦唔錯。可惜啲飯因為雪住，有少少乾，飯味亦一般。反而個麵豉湯值得一讚，有昆布有油豆腐，唔會太鹹。女仔嚟講呢個set已經夠包，不過要成$50，就真係有啲唔抵。個人認為呢個格調嘅食店（得幾個面壁座位），set價應該下調至$40～$45，中環區舖租貴競爭大，薄利多銷先可以長做長有。set亦應該有啲選擇，指定價錢任揀最為合理。
張貼