泰北風味

營業中

休息中

唔係喺附近做嘢都未必搵到呢間，唔喺大街，比較偏僻。下午茶時間黎食，叫咗朝牌菜泰北雞飯，冇下午茶價錢，但係係下午茶份量。😓雞件好薄，亦只有四五舊。雞肉嫩滑，食係好食嘅，食得出肉類新鮮。呢個係午餐價錢，但唔覺係午餐份量，女仔食完飲埋湯，食埋湯渣都未飽😂😂湯好似係白蘿蔔煲雞，湯渣有兩舊白蘿蔔，湯一般啦，當飲啖熱水嘅感覺。呢個就係下午茶套餐，泰色清湯粉，泰米粉、泰河都話賣晒，得番金邊粉🥲🥲份量少預咗，因為係下午茶套餐。唔知係咪因為有雞翼，個湯好肥，睇相都睇到頗多油🙈🙈分開另上會好好多。雞翼有兩隻，唔太重香茅味😐😐飲品就叫咗凍泰色青檸蜜，冷熱飲同價，跟餐。勝在幾大杯，味道還可以！