鮮芋仙 (已結業)

食完做冬飯行過呢間野竟然無人排隊就決定走入去試下，其實想試好耐但係次次都人山人海咁樣都係唔好搞我，今日終於試到。因為想食芋圓同燒仙草，所以就叫咗招牌仙草沙冰，佢入面就係芋圓加仙草凍再加個沙冰底。雖然要$45，不過又真係好大碗，芋圓都幾煙韌Q彈，仙草凍好大舊，沙冰底其實係沙冰加仙草汁，如果唔夠甜可以自己落糖漿，不過我覺得唔洗落糖漿都夠甜。另一碗要咗芋薯圓紅豆湯，佢入面最特別嘅係有一粒大粒嘅好似湯丸咁嘅丸子，外面係芋圓皮而入面嘅餡係芋頭蓉，唔會太甜，幾好味。紅豆湯略嫌唔夠濃，如果濃味D會更好食。